احكى ومتخليش نفسك فى حاجة

الموضوع دة هنخليها للفضفضة كل واحد يدخل يحكى على المشكلة او اى حاجة حابب يحكيها فى المنتدى ويشارك الاعضاء فى حلها وان شاء الله هنحاول كلنا نلاقى حلول للمشاكل او نساعد فى الفضفضة بتعتك بحاجة

هنتظر رايكم عن الموضوع باذن الله

بسم الله ماشاء الله عليكى بدخولك بدأ المنتدى تدب فيه روح المشاركة

ودى حاجة سعدانى جدا***********مع احترامى لجميع الاعضاء المتميزين
وأنا موافق على أى موضوع هتشاركى فيه

متشكرة جدا على الكلام الجميل دة بس انا شايفة المنتدى ماشاء الله متميز وفية روح المشاركة لوحده بلاش مجاملات

نحن لا نجامل ولا داعي للهتاف ولا للتصقيف دعونا نعمل في صمت هههههههههه

طبعا الموضوع اكثر من رائع وانا هبدأ بمشكلتي
انا مش عارف اذاكر ومش طايق افتح اي كتاب وشكلي هجيب تقديرات اقل من الترم الي فات ورربنا يسترها معايا ومعاكم واستروا عليا ومحدش يفضحني
وغطيني وصوتي يا الي منتش غرمانه

موضوع المذاكرة دة هناقشة فتلات حجات

اولا انك تبقى متفائل اكتر من كدة وبلاششششششش موضوع هجيب تقدير اقل من الترم اللى فاتت

قال رسول الله صلى الله عليه وسلم (بشروا ولا تنفروا)

ثانيا بقى لو شايف انك فى حاجة معينة واخدة وقتك يبقى لازم تقلل منها شوية تليفزيون نت خروج.......الخ

ثالثا الدعاء قبل المذاكرة او بعدها او اثتناء الصلاة وطبعا مش عوزة اوصيك تدعيلى معاك فى الصلاة وللمسلمين والمسلمات

اسال الله العظيم رب العرش العظيم ان يرزقك النجاح فى الدنيا والاخرة

الف الف شكر علي النصائح الغالية وربنا يجعلها في ميزان حسناتك

وانا بأذن الله هدعيلك معايا وانت ادعيلي في صلاتك ومتنسنيش

بص يا يا ابوعطا انا هضيف بعض الاشياء علي اختي ياسمين
حاول وانت بتذاكر انك تستحضر هدفك امامك كمان حاول قدر الامكان انك في البداية متكترش اكثر من ساعة في المادة الواحده ومتذكرش وانت مرهق ابدا وفكر كده قبل ما تذاكر وقول لنفسك انا هذاكر ليه والمذاكره هتفدني بأيه ولو مذكرتش ايه الي هيحصلي وشوف وقولي علي الي هيحصل

ربنا يخليكي يا ندى علي الكلام الجميل ده دا انت تنفعي تكوني دكتورة علم نفس جامده

تصدقوا كل نصايحكم دي فادتني جدا والله انتم جمدين اوي انت يا ندي وياسمين انا كنت محتاجه شوية نصايح زي دول علشان اعرف ازاكر كويس بجد مرسي ليكم خالص

العفو يامنى لو لاقدر الله صادفت اي حاجة هتلاقينى هنا مستنيناكى تفضفضى وتحكى وكلنا نحاول ان شاء الله نوصل لحلول باذن الله

محتاجة دعواتكم بجد عاوزة ناس وهيا بتصلى تدعيلى وتقول ربنا يفرج هم ياسمين لان دعاء ظهر الغيب مستجاب لانى بمر بحالة نفسية وحشة جدا متنسوش بجد

ربنا يكرمك ويزيل همك وكربك يا ياسمين ويبعد عنك اي مشكله ولو فيه اي حاجه متتردديش وتقوليلي عسي الله يجعل الحل معانا يا رب

امين يارب جزاك الله خير على الرد والدعاء اخى فى الله

لكن انا مش عندى مشكلة بعينها بس هو حجات كتير حصلت مع بعضها سببتلى ضيق

ربنا يبعد عنك اي حاجه وحشه وينجيكي من اي مخاطر يا رب ومتنسيش تقولي دعاك فك الكرب والهم وبأذن الله هتكوني كويسه بأذن الله ولو احتجتي اي حاجه قوليلي علي طول انا موجود

ان شاء الله

متشكرة بجد اخى فى الله ومحتاجة دعواتكم بس معايا

لا شكر علي واجب وربنا يوفقك

ربنا يوفقك يا ياسمين انتى وكل الناس فى الدنيا والأخرة

ويوفق كل أعضاء المنتدى

امين يارب

جزاك الله خيرا على الدعاء

اخي في الله بالنسبه لموضوع المذاكره كنت عايز اوضح شىء بسيط
بالنسبه لموضوع التقدير فيه ناس كتير جدا ( معيدين في الكليات ) ولا يفقهون شىء في اي شىء بصراحه (دماغهم في التراوه) بس علي الرغم من ان تقديراتهم عاليه اذا التقدير ليس مقياسا في كل الاحوال ولكن ايه السبب في ده انهم ذاكرو(بس علشان التقدير)ولكن الحياه اليوميه بتقتضي انك تذاكر للعلم والمعرفه والتي (لا ترتبط بمنهج )والدليل علي ذالك ان اسمك طالب (اي تطلب العلم )ولست متلقيا
بلادنا محتاجه لكل مواردها(والتي اغلبها من جهود الشباب)لكي تواكب موكب الحضارات

انت كلامك صح ودا حقيقى

وانا عندى مجموعة أمثلة من الغرب لاوم نتعلم منها
مثلا امريكا صنعت ترانزستور لا يرى بالعين المجردة شوف بقى الصين واللى بناءها الحديث بدأ معانا ايام محمد على عاوزة تعمل ايه (تخرم الترانزستور دا ) تخيل دا
وشوف اليابان وصلت انها تخفى الجندى (تخفى البنى أدمين يعنى متشفهمش) أنا عارف انكم هتقولوا انت بتحكلنا فيلم ولا ايه - انت هتهيث علينا ؟!!!!!!!!!!!!!!!!!!
لكن والله اليابان صنعت بدلة عسكرية لو الجندى لبسها هيختفى ودا عن طريق تطويرهم لمفهوم الألياف الضوئية يبقى انت بتحاربهم وهووووووووووووووب راسك طايرة لوحدها
ولا واحد غزك حنب ودانك طب مين اللى عمل دا ؟!!!!!!!!!!!هم معاهم شياطين ولا ايه يا عم الحاج ؟!!!!!!!!! وتقوم حاطط ديلك فى سنانك وتطير
تعالى ياعم احنا هنا الواد يفتكر نفسه عشان بيعرف يصطب نسخة خلاص هو اللى العبقرى اللى سابق سنه شوفوا الصنين بيعملوا ايه مجموعة شباب سنهم حوالى 18 سنة قاعدين فى أوضة صغيرة جدا تحت الارض بيصنعو بوردة الكمبيوترات بتاعة حضراتكم أولا الجو حار يخنق كلهم لابسن cut والعرق نازل يمطر وهم نازلين ما شاء الله شغل
يبقى لهم حق يطوروا ويعلوا ويعلوا واحنا ننزل وننزل ولا لأ
ربنا يرحمنا برحمته يا عم الحاج

دي اليابان يامعلم اليابان مش مصر

من حيث المذاكره فيجب تحديد الهدف الاسمى اولا ثم تحديد اهدا ف بسيطه للاستمتاع بلزه الاصرار والوصول الى الهدف مثلا نقول ان هدفي الاسمى مهندس ناجح وبعدين با قي لايقل عن 10سنين لتحقيق الهدف ستمل الانتظار وتنسى الهدف ولا كن مثلا تضع شروط ان تاتى بتقدير كل سنه ثم تسعى لهدف التقدير ثم ستمل النتظار طول السنه فتضع شروط لكي تاتي بتقدير هي المراجعه اول باول وتخليص الماده الفلانيه مثلا في هذا الاسبوع
فعندما تحقق الهدف الصغير منها تستطيع ان تحقق الهدف الاكبر ثم الاكبر حتى تصل الى الهدف الاسمى بعد عشر سنين ارجوا ان تكون فكرتي قد وصلت وشكرا والسلام عليكم ورحمه الله وبركاته

محمدبص كلامك حلو من ناحيه الاهداف بس انت برده ركزت علي المذاكره علشان الامتحان وصدقني اللي انت شايف بلدنا فيه الان (من تاخر) كله بسبب مذاكره الامتحان فقط انا قصدت بردي السابق ان الانسان يتعلم للعلم مش للامتحان
يعني يسعي الي العلم مش يستني العلم لما يجيله وجرب بنفسك اقعد دور علي اي معلومه واتعب وانت بتدور عليها شوف المعلومه هتتنسي بعد اد ايه (صدقني لو تعبت فيها مش هتنساها الا اذا جالك زهايمر )وعلي النقيد شوف معلومه خدتها السنه اللي فاتت وعلي الرغم من سهولتها انت ناسيها
في حاجه تانيه احسن وافضل وسيله للتعلم هو العلم العملي انت اخذت قانون اوم يامحمدولو طلبت نص القانون ممكن تسمعه بس هل ممكن تطبق دايره يامحمد علي قانون اوم (ازاي وانت متعرفش ايه شكل المقاومه ومتعرفش قيمتها من الالوان المكتوبه عليها ومترففش تستخم الملتيميتر) في بلدنا كل من اتخرج من من كليه هندسه يقال له مهندس للاسف غلط كبير صدقني مصر مبتخرجش كل سنه اكتر من 10% يستحقون لقب مهندس والا لما التأخر
خلاصه كلامي ليك اهتم بالعلم العملي اللي احنا مهملينه واوعي تذاكر علشان الامتحان فقط
بالنسبه لابو عطا اليبان مفيهاش موارد طبيعيه خالص يعني المورد الاساسي عندهم (المورد البشري )يعني موردهم (العقل) ومصر فيها عقول كتيره جدا (توزن بلد) بس الغزو الفكري الغربي الهي العقول دي عن هدفها وصدقني اللي بيركز علي هدفه ويشغل دماغه بيوصل (زويل)
اسف طولت عليكم

انا مخنوق ومش عارف اعيش حياتي وزهقت من الكلام مع الناس لان للاسف بعد اراء كل الناس بحس انهم كلهم غلط لانهم كلهم غلط فعلا
الواحد مش عارف الدنيا وخداه على فين
يا جماعه انا مش حاسس بالوقت ودي اكبر مشكله ف حياتي
الوقت ده اغلى من الدهب بس مش عارف اقتنع بكده
من كتر الحاجات اللي عايز اعملها ف اللحظه مش بعمل اي حاجه نهائي
الدنيا بقت زحمه اوي زحمه وصداااااع
الحمد لله الواحد كون علاقات ف الجامعه مالهاش حصر عرفت ناس من كل بلد حتى من بره مصر قعدنا وكلنا وشربنا بس ايه الفايده
مفيش هدف انا بكره التقاليد الحاجه المعاده بكرررررررررررررررها محتاج اني اعرف كل يوم ناس جداد واعمل حاجات جديده عشان كده انا ف حاله دلوقتي سكووون لان الوقت بيعدي وانا محلك سر

انا اسف جدا صدعتكوا
انا حاسس اني بقيت معقد bbn

DI@BY C00L كتب:: انا مخنوق ومش عارف اعيش حياتي وزهقت من الكلام مع الناس لان للاسف بعد اراء كل الناس بحس انهم كلهم غلط لانهم كلهم غلط فعلا
الواحد مش عارف الدنيا وخداه على فين
يا جماعه انا مش حاسس بالوقت ودي اكبر مشكله ف حياتي
الوقت ده اغلى من الدهب بس مش عارف اقتنع بكده
من كتر الحاجات اللي عايز اعملها ف اللحظه مش بعمل اي حاجه نهائي
الدنيا بقت زحمه اوي زحمه وصداااااع
الحمد لله الواحد كون علاقات ف الجامعه مالهاش حصر عرفت ناس من كل بلد حتى من بره مصر قعدنا وكلنا وشربنا بس ايه الفايده
مفيش هدف انا بكره التقاليد الحاجه المعاده بكرررررررررررررررها محتاج اني اعرف كل يوم ناس جداد واعمل حاجات جديده عشان كده انا ف حاله دلوقتي سكووون لان الوقت بيعدي وانا محلك سر

انا اسف جدا صدعتكوا
انا حاسس اني بقيت معقد

اسمح لى افضفض معاك بس بصوت عالى على كل نقطة ذكرتها اولا موضوع الملل والزهق دة مش عندك بس والاحباط كمان عند اغلب الشباب كلهم عارفين من الكلية لا من المدرسة انهم هيذكرو وهيتخرجو وممكن مش يلاقو وظيفة وممكن يستنو فترة طويلة لحد ميكونو نفسهم وطبعا الملل والاحباط دة مقولكش يعنى عند ناس كلها والحل اية سيبك حمولك على الله واعمل اللى يرضى ربنا واللى عليك وخلاص

اما بخصوص اراء ناس فمن رحمة ربنا علينا اننا كلنا مش اراءنا واحدة يعنى مش كلنا غلط زى مابتقول هتلاقى الغلط والصح الاتنين مع بعض بس يمكن انت بتشوف الموضوع من وجهة نظرك ان اللى حوالك هما اللى غلط!!!!!!!!!

والله موضوع الوقت دة كلنا بردو اصبح عندنا قلة ادراك بالوقت ودة طبعا من علامات يوم القيامة اننا هنلاقى الايام بتجرى والشهور واكننا ليسا كنا امبارح يعنى مش هتحس انك عملت حاجة او استفدت بالوقت الا مارحم ربى واستغله فيما يرضى الله

بكرة ان شاء الله هتستفاد من علاقات كتيرة دى وافتكر انك مش هتندم خالص زى مابتقول ماشاءالله سيمكن دلواتى مش حاسس بالموضوع لانك ليسا فى مجال الدراسة

افتكر ان واحد عنده العلاقات دى ماشاء الله وبيتكلم بالاسلوب دة مفتكرش ابدا انه شخصية معقدة بالعكس ربنا يبارك فيك ويهديك اسفة انى طولت عليك

» حاجة الأمة اليوم إلى التوكل على الله
» كفاية يا حاجة شادية.. فمصر لم تعد أغلي البلاد ولن أفديها أنا
» تخيل نفسك كمبيوتر والحياه ويندوز اكس بي وكل حياتك بزراير