السلام عليكم ورحمه الله وبركاته
أحلام الشباب لكي يصلوا الي جيل شباب مثل الصحابة كثيرة
مش كل الشباب بيحلموا يبقى مثل جيل من الصحابة
والشاب الملتزم اللي يفرح القلب قليل جدا في الزمن ده , بس الشاب ده وجد ناس بتسانده وبتساعده على طاعة ربنا وبتوجهه صح , وهو ده دور حضرتك بالفعل , وحتضغط على الشباب التانية باسلوب تاني عشان يحولوا تفكيرهم الغلط , لتفكير صح
من مشاكل الشباب الاساسية : عدم فهم مفهوم متعة الحياه
كل الشباب مش فاهمة يعني ايه متعة ,والمتعة من وجهة نظر الشباب النهارده , يعني موبيل اخر موديل وعربية و يخرج مع بنات ويكون عنده علاقات كثيرة مع بنات , ويكون عنده شلة يروحوا سوا على الديسكو والاماكن اللي فيها روشنة من وجهة نظرهم واي حاجة غريبة يحبوا يعملوها , واي حاجة غلط يحبوا يجربوها زي السجاير والشيشة والبانجو او الحشيش , وطبعا اللي بيدخل في السكة دي مش بيلاقي غير حاجة بتشده كمان وكمان ويبقى مدمن اي نوع من انواع التدخين والمخدرات , وطبعا الوقت ملوش معنى عند الشباب دي ومش عارفين ازاي يستمتعوا بوقتهم ازاي بحاجة ترضي ربنا
الحل : تصحيح مفهوم المتعة عند الشباب بذكر ايام الرسول صلى الله عليه وسلم , ماذا كان يفعل لكي يستمتع وقته وسط جو من الروحانيات والراحة القلبية مع طاعة الله وتلاوة القرآن , وكيف كان يقضي الصحابة من الشباب اوقاتهم , وعلى علمي ان معظمهم كانوا شباب , عايزين نوصل للشباب ان الراحة القلبية وراحة البال هي طاعة ربنا
ونقولهم بأختصار : ان كل جزء فيك ايديك رجلك قلبك ودنك لسانك عينيك خلق الله , وخلق الله لا يرتاح الي في طاعة الله
يعني حتسمع حرام ودنك حتكون تعبانة وانت نفسك حتكون تعبان ومش مرتاح ومش عارف السبب السبب انك بتمع حرام وبتسمع حاجة بتغضب ربنا و ودنك من خلق الله وعشان تكون مرتاحة لازم تسمع قرآن او كل ما يرضي الله , وانت ساعتها حتلاقي نفسك مرتاح عشان بترضي ربنا
وكذلك قيس على كل اعضاء جسمك وراحتك الوحيده انك تعمل كل اللي يرضي ربنا , عشان ماتقولش انا متضايق مش عارف من ايه , انا مخنوف بس مش عارف ليه
اللهم اغفر للمسلمين والمسلمات