ازاي الولاد بيعاكسوا البنات اسرار تكشف لاول مره

ازاي الولاد بيعاكسوا البنات اسرار تكشف لاول مره
أكيد مش حأقول عزيزتي الفتاة هل اتعاكستي قبل كده؟ لأن مفيش واحدة في مصر متعاكستش !
عامة .. خلونا نبعد عن البنات شوية ونشوف الشباب المقهور لما يحب يعاكس بيقول إيه ؟ وبيعمل إيه ؟!
تهريج .. بتباتة !
شعب مصر شعب حميمي بطبعه،
بيحب الألفة والانسجام والضحك
، لدرجة إن في أحيان كتير بتتحول عنده المعاكسة لمجرد نكتة ..
طبعا طرق المعاكسة ومستوياتها كتيرة .. منها المعاكسة التبتة اللي
بيفضل الواحد لازق زى الدبان بعد المطر بالظبط ! ودا إما لجمال البنية الباهر
– في نظر الدبان طبعاـ أو لأنه حاسس إنه حيطلع من اللزقة دي بفايده !

وفيه معاكسة التهريج، شباب مرمي على النواصي مش لاقي حاجه يعملها
غير إنه يعاكس ويهرج على الماشيين ، والمعاكسة هنا بتبقى تهريج في الأول وفي الآخر،
حاجه لتضييع الوقت، وأهوه .. يمكن تطلع بفايدة برضه .. بس الأهم .. التهريج ..

مثلا تلاقي بنتين ماشيين ووراهم تلات ولاد، واحد بس اللي بيتكلم من الولاد
ومركز مع واحدة ( تتجوزيني والعصمة تبقى في إيدك ؟؟ ... تتجوزيني وأغسلك الصحون؟؟
.. طب تتجوزيني وأرضع العيال ؟ ) وتلاقي التلاتة ماتوا على نفسهم من الضحك ..
طبعا هو لا حيتجوزها ولا حيرضع العيال ولا حيشوف خلقتها بعد كدا .. بس بيضيع وقت وبيسلي نفسه ..

أو برضه تلاقي بنتين ماشيين وواحد بيكلم صاحبه ( أحلى واحدة فيهم اللي لابسه جزمة سودا )
.. ويا ويلهم لو لمحوهم بيبصوا على جزم بعض يأخذوهم تريأة للصبح!
مامتك نحلة ؟
وفيه معاكسات مفتكسة، مثلا الشاب من دول يرمى كلمة يحاول يشد انتباه البنت،
زى واحدة ماشي في حالها لا بيها ولا عليها تلاقي واحد متعرفوش بيبصلها
وفجأة يقف قدامها ويقولها ( لازم ماما كانت نحلة )
طبعا البنت حتفكر ( هو بيجيب سيرة الأم إبن الــ .. )
أو مش حتفهم عاوز ايه .. فحترد بنعم .. أو أفندم ..أو بتقول إيه يا جدع إنت
... هنا الواد ينط ويقولها بسرعة ( عشان تجيب العسل دا كله ) وهو شطارته بقى بعد كدا..

بس مش دايما الشطارة بتنفع .. واحد جرب الموضوع دا وقال أول جملة
.. راحت البنت بصاله بمنتهى
الثقة وقالته له ( إشمعنى ؟ ) بعد ما
خلص جملته راحت قايلاله ( تصدق .. وإنت لازم ماما كانت فرخة ..
عشان تجيب البيض دا كله ) طبعا صاحبنا قعد تلات أسابيع بعدها في البيت .. لحد ما يفقس !
ههههههههههههههههههههههههههههههههههههههه
والمعاكسات برضه مقامات يعني معاكسة الماشيين غير معاكسة الواقفين،
وأصحاب العربيات لهم طرقهم الخاصة تلاقي واحد بعربية واقف قدام واحدة
وهات يا كلاكس وعمّا ل يشاور على تحت وعامل مجنون في العربية ..
وبعدين يرجع مارشدير وهو باصص للبنت وبيقولها وهو مخضوض ( النمرة .. النمرة )..

طبعا البنت شافت نمرته وهو بيرجع أو مشافتهاش بس فهمت إنها نمرة العربية
من إشارته لتحت فحتقوله مالها ؟ .. هنا بقى تلاقي وش جديد تماما بيقولها ( مبتجمعش ! ... متديهالي تاني ؟! ) صوت حريمي .. اقفش !
ومع عن المعاكسة في التليفون قدمت قوي إلا إنها لسه شغالة لحد دلوقتي
ولان الدنيا اتطورت والتكنولوجيا دخلت البيوت وفي ظل نظام إظهار الرقم
ظهرت خدمات المعاكسات من تليفونات ميناتل والنيل ورينجو،
يعني الشاب من دول يشتري كارت بخمسة أو بعشرة وهاتك يا نمر
وهو ونصيبه وأول ما يرد عليه صوت حريمي يقفش فيه .. كدا على طول من غير
ما يعرف مين دي ولا سنها وشكل اللي جابتها عامل إزاى ( مش بأقولكوا شعب حميمي .. وشرقان كمان )

وطبعا كل عشرتلاف مكالمة ممكن واحدة تكمل معاه عشر دقايق على الخط،،
وفي الأغلب حتبقى واحدة عندها 60 سنة فاضية هى كمان وبتشوف العيال المجانين دول بيعملوا إيه قبل ما تقفل !

وفيه معاكسة التليفونات المقصودة .. ودي عادة في المدارس .. واحد خد موبايل
واحدة معاه في الفصل ميعرفهاش من واحد صاحبه وقعد يزاولها من أى كابينة تليفون
.. أو يكون شافها مرة مع حد من صحابه وياخد تليفونها ويبتدي يظبط هو .. المهم .
. التليفونات أثبتت إنها كانت ولازالت وسيلة مهمة للمعاكسة !
من حقهم برضه !
قلت في أول الموضوع خلونا نبعد عن البنات شوية ، بس مش معنى كدا إننا ننساهم .
.لأنهم لب الموضوع يعني لو مفيش بنات الشباب هيعاكس مين؟
وفي ظل حكومة بابا حسني الرشيدة وتوجيهات ماما سوزان القوية بتمكين المرأة كان من
ضمن الحاجات اللي تمكنت منها المعاكسة طبعا لازم المرأة تساوي الرجل في كل حاجة حتى المعاكسة ..!

والجديد دلوقتي إنك تلاقي بنتين – عادة لابسين لبس المدارس الأبيض في كحلي –
ماشيين ورا واد وبيعاكسوه، والأجدد بقى إنك تلاقي الولد خايف منهم وبيبعد – هما عادة بتبقى أشكالهم تخوف
! – وهما ماشيين وراه وبيقولوا ( القطة خايفة ولا إيه ؟! ) ..

بس مش معنى كدا إن كل البنات اللي بيعاكسوا وحشين .. في بنات زى القمر وخبيرة معاكسة
.. يمكن من كتر ما سمعوا ! بس الموضوع بقى بالنسبالهم وسيلة تهريج .. just having fun) )

وبمناسبة أخينا اللي كان طالع يجري فوق دا ..
في ولاد كل مشكلتهم إنهم مبيعرفوش
يعاكسوا ! وخصوصا لو كان صحابه خبراء في الموضوع دا ..
ويا سلام بقى لو حصل تجاوب بين صاحبه والبنت اللي بيعاكسها ! حتلاقيه واقف بيضرب نفسه 100 جزمة !

عامة ..
********************

يا رب الموضوع يعجبكم

انا عن نفسي مش قادره ابطل ضحك

هههههههههههههههههههههههههههههههه ينهار ابيض ساره الي بقلها سنين محدش بيشوفها جت يا جماعه لازم كلنا نعمل احتفاليه كبيره ليها كنت قوليلي وانا فرشت المنتدى رمل وكوكا كولا
كده هو اول ما تيجي تبدأي بموضوع عننا بس تصدقي انا مكنتش اعرف اعاكس بس دلوقتي انا خلاص هعاكس من النهارده اتعلمت من الكلام الي كتبتيه خلاص
هههههههههههههههههههههههههههه
اكيد مامي نحله هههههههههههههههه

هههههههههههههههههههههههههههههههههههههههههههههههههههههههههههههههههههههههههههههه

بسم الله والصلاة والسلام على رسول الله سيدنا محمد واله ومن والاه ثم اما بعد
رب اشرح لى صدرى ويسر لى امرى واحلل عقدتا من لسانى يفقهوا قولى

الحقيقه الموضوع غايه فى الجمال والتبسيط وحقيقى جاب حجات كتير زى مابنقول على الارض وورهالنا
انا عن نفسى معظم الحجات دى شفتها والباقى اكيد عرفتوه لما قريتوه
فالحقيقه لو تسمح لايا اختى انا عندى تعليق بسيط الحقيقه احنا اولا لازم نعرف ليه الشباب دى بتعمل كده
طبعا انا مبسالش سؤال كا اول واحد يسال السؤال ده حتى اختنا اكيد وهيه بكتب الموضوع ده سئلت نفسها السؤال ده وكتير سئلوه من الخبراء ونقشوه
طب متيجو نشوف كل واحد منا هيقول ايه

انا من راى المبدئى والاعم وقت الفراغ
لان شبابنا اكيد مبعملش كده وهوه معندوش وقت اكيد ده جه من فراغ
فلازم اولا ننظم وقتنا "فيه مشاركه ليا فى اتلتنميه البشريه بالعنوان ده" ونستغل فراغنا"فيه مشاركه للداعيه مصطفى حسنى فى ملتقى احلى حياه بالعنوان ده" ياشاب علشان نقدر نققل على الاقل الموضوع دع لان زى اختنا ما قالت فى اول الموضوع انا مش هسال ده اكيد
وللاسف فعلا باه امر طبيعى وانا مبقلش ده السبب الوحيد فيه اسباب كتير بس علشان مطولش عليكوا ياريت نسمع ارائكوا
وفى النهايه سبحانك لاعلم لنا الا ما علمتنا انك انت العليم الحكيم اخوكوم
محمد مصطفى

» ده مطلعش الولاد هما اللى بيعاكسوا البنات؟؟هنا العكس تماما
» عايز تموت ازاي
» ازاي تزهق المشرفين في اي منتدي
» الناس في 2090 عاملين ازاي علي النت
» هذه هي أغبى البنات