حكاية ريووووووومع الانتي فيرس والفيرس

Antivirus
Reooo Edition
حكاية ريو مع الفيرس والانتي فيرس


Reooo يرحب بكم من قلب الديسك توب بتاع الكومبيوتر بتاعي و ينقل لكم ..
حكاياتي مع الأنتي فيرس ..


حكايتي الأولى مع برنامج أنتي فيرس جامد أوي و شديد أوي
و جبار أوي و خارق أوي و هو برنامج :

Avast! Antivirus و البرنامج دة فعلا ..
أة ب صراحة يعني هو بس فيه مشكلة صغيرة .
البرنامج دة أنا أساسا اخدته من الواد صاحبي اللي شغال في السيبر و هو
نصحني بيه و أخدته على أل MP3 بتاع البت أختي ..

أخدت البرنامج و شغلته على الجهاز و الحياة حلوة و في يوم من الأيام ..
و أثناء عملية Scan روتينية تقليدية بسيطة سهلة جدا ..
ظهر لي تحذير محتواه :


عزيزي المستخدم Reooo ..
لقد تم العثور على فيروس .. لا داعي للذعر
الوضع تحت السيطرة , من فضلك لا تقلق الموضوع بسيط و سهل و معقد
الفيروس تم العثور عليه في أحدى الملفات الموجودة في القطاع D ..
و بعدين ظهرت الرسالة اللطيفة دي و اللي ب تشير ألي انهم
ب يحلوا الموضوع ..

Pleas Wait , The Problem Is Being Solved


(( عزيزي المستخدم , ما تخافش .. ))
لا داعي للقلق يتم الآن عملية محاصرة الفيروس
و التفاوض معه ب واسطة كبير المفاوضين في شركة Avast! حول
أمكانية إخلاء سبيل بعض الملفات – الرهائن – في مقابل
توفير ما يطلبه الفيروس ..

Pleas Wait , The Problem Is Being Solved



(( عزيزي المستخدم , لا يوجد داعي للقلق ))
عزيزي المستخدم , الفيروس واخد حوالي 30 ملف من مختلف الامتدادات و الأنواع
و يطالب فورا ب مبلغ نصف مليون جنية إسترليني للإفراج عن الرهائن
و ألا س يقوم ب إعدام ملف كل 15 بايت و ح يرمي جثته في وسط ألبورتايشن
مما قد يسبب حالة من الذعر بين باقي الملفات ..

Pleas Wait , The Problem Is Being Solved


(( عزيزي المستخدم , ولا يقلقك ))
عزيزي المستخدم , انتهت الآن عملية التفاوض ..
قام الفيروس محتجز الرهائن ب إعدام مفوضنا و إعدام أل 30 ملف عدما معدما ..

(( عزيزي المستخدم , البقاء لله ))
و يعوض عليك ربنا !!