اغرب معاكسة

موضوع: اغرب معاكسة الخميس 26 يونيو 2008, 10:10 pm

السلام عليكم

ازيكم ياجماعة منورين المنتدى خصوصا بعد رجوع الادارة الحمدلله

هسالكم على موضوع والكل يشارك اظن انا قلت الكل بلاش الحركات اللى بتحصل دى

اية اغرب معاكسة تليفون حصلتلك؟ وكان ردك عليها اية؟ وكانت امتى وهنتظر الردود باذن الله

موضوع: رد: اغرب معاكسة السبت 28 يونيو 2008, 2:40 am

بسم الله الرحمن الرحيم

مفيش معاكسة حصلت معاية بس في موقف تاني حصل :

كنت مرة بذاكر واتخنقت من المذكرة مسكت التلفون

علشان أتفرج علي الرسائل

وبمجرد أفتح الرسائل أجد ما يقرب من 5 الي 7 رسائل من رقم غريب

وكلها رسائل غرامية

أنا أول مشوفت الرسائل وربنا يشهد علي الكلمة ديه ( زهلت )

معرفش الرقم و الشيء الغريب انها بتاريخ من 15 يوم

معرفش أزاي استلمتهم ومشفتهمش

وطبعا بأ مفيش مذكرة خالص وكل مبص في الكتاب أحطه علي جنب

وأعد اتفرج علي الرسائل

وسبحان الله وأنا جالس دخل علي واحد من الناس الخبرة

قلتله الحقني مش عارف الرسائل ديه جتلي أزاي ولا من مين

بص في الراسائل وبعد كدة بصلي وابتسم

وقال لي فاكر يوم ما أخد التليفون منك عشان أحط فيه الخط بتاعي

عرفت بعد كدة ان الرسائل مكنتش لي أنا و كنت له هو لما حط خطه مكان خطي

الرسائل المستلمه له سجلت علي الموبيل

وعرفت أن حظي مايل وملناش فيه جانب

والحمد لله أن أحنا ملناش فيه جانب

شكرا جدا علي الموضوع

وفي أنتظار أغرب معاكسة تليفون حصلت معاكِ

موضوع: رد: اغرب معاكسة السبت 28 يونيو 2008, 2:48 am

[color:43b5="Magenta"]

ههههههههههههههههههههههههههههههههه

موقف حلو اوووووووووى

اوعى تكون زعلت ولا حاجة

والله انا حصل معايا حجات كتيرة جدا هههههههههههه غرائب وعجائب اصلى البنات دى بيحصلها مواقف غريبة لما المعاكس بيعرف انها بنت

موضوع: رد: اغرب معاكسة السبت 28 يونيو 2008, 12:04 pm

عيزين تعرفوا معكساتي انا عندي كتير ودي وحده منهم

كان يا مكان يا سادة يا كرام ان ما يحلي الكلام الي بذكر النبي عليه الصلاة والسلاة
في يوم من الايام في سابق العصر والزمان كنت قاعد انا واخويا واخو واحد صحبي الي هو برده صاحب اخويا في البيت عادي خالص رن تلفون البيت لقيت وحده بتتكلم تقول الوووو قلتلها الوووو قلتلي مش فلانه موجوده قلتلها لاء قلتيلي يعني دا مشرقمها قولتلها لاء فقالت اسفه وقفلت عادي .......عادي
وبعد شويه لقيتها هي تاني بتتصل وتتكرر نفس الكلمة فقولتلها تاني لا وبصراحه ومكدبش عليكم صوت البنت كان حلو وكان برده كبير في السن بس علي مين دا انا صوتي يدوخ هع هع هع هع
وكررت العملية دي كمان مره وكمان مره وانا اقولها بلاش بيقي هزار هتجننيني انت فاضية هي تضحك وتضحك وتضحك
المهم في المره الخامسة قام اخو صاحبي واخد مني التلفون وقلها انا بحبك قمت جري واخد منه التلفون وقولتله الله يخرب بيتك
وبحط السماعه علي وداني تلقائي سبحان الله سمعت خير اللهم اجعله خير قذيفه تنتلق من بقها المعفن وتقولي (حبك برص و10 خرص) بيئه بلدي اوي......وقامة رزعت التلفون في وشي
وميكلمتش تايني وبعد ما اخو صحبي مش واخد معاه اخويا الي هو صحبه طبعا اتكلمت تاني
طبعا صعقت ازاي دي تتكلم تاينى واعتزرتلها بكياني المتواضع المتوازي عن الغلطة الي عملها اخو صحبي وصاحب اخويا علي اساس انا الي قولتها ويا حنين الكلمة شكلها علقت ونونوة وكركرت في دمغها وفي الجمجمة واعجبت بيا طبعا من صوتي الي بيدوخ هع هع هع هع هع
والمصيبة بقي انها مكنش يحللها الكلام الا ساعة الغدا وبابا وماما قعدين وبيسمعواكل كلمه
وفجأه وبدون سابق انزار روحت فقعها كلمة بحبك وبابا وماما قاعدين هما سمعوا الكلمة من هنا وماتوا علي نفسهم من الضحك اصلهم كانوا عيوني اشتغلها لحد ما عارف هي مين هع هع هع
هي البت سمعت الكلة من هنا وهي كانت عرفه اني اصغر منها بالسن بكتير كمان وقلتلي البنتازاي تحب وحده اكبر منك قمت انا بقي بفهلوتي كنت سامع كلمتين من فلم عربي قديم فرجعت الذاكره للفلم واقتبست منه جملة ( الحب مبيفرقش بين كبير وصغير ) هع هع هع جدع انا صح
هي بقي سمعت الكلة دي وطبعا داخت منا جامد وحليوه ومتختخ وسابق سني
المصيبة بقي انها كانت معايا في المدرسه هههههههههههههههههههه طبعا هتقولولي عرفت ازاي طبعا عرفت منها
ولما بقي زقت وبابا وماما كمان زهقوا من لعب العيال ده وانا اصلا كنت ايميها من المتفوقين ومش فضلها علشان المذكره اتخلصت منها ازاي.........................
كانت لما تتصل اقولها انا مش موجود ( هع هع هع هع هااااااااااااااااااااع) او كنت لما اسمع صوتها كنت اخلي ماما ترد عليها وتقولها محمد حبيبك مش موجود
المصيبة انها مكنتش عندها دم كانت بتكلم ماما وبابا وتقولم ادوني محمد اكلمه ( يا بجحتك مش قولتلكم دي بيئه وبلدي)وبابا كان بيقولها انت مين مكنتش بترضي تقوله فكان يقولها مش انت هتبقي مرات ابني لازم اعرفك ولا هتتجوزره عمياني هههههههههههههههههههههههههع
ولما زهقت بقي من الحوارات الفشلة دي بطلة تتصل بيا
انت عرفين كان سني اياميها كام
كنت تقربا في 5 ابتدائي وهي تقريبا في 3 او 2 اعدادي مش فاكر
ودي كنت اول مره في حياتي اتعاكس
انتهت قصتنا يا رب تكون عجبتكم

موضوع: رد: اغرب معاكسة السبت 28 يونيو 2008, 1:50 pm

ههههههههههههههههههه ي مال لو كنت كبير شوية كنت عملت اية

موضوع: رد: اغرب معاكسة السبت 28 يونيو 2008, 5:22 pm

الله عيك ياابوعطا اظن انا اللى كنت معاك مش كدة؟

بس انت ما قلتليش مين دى
لاز تقولى مين

موضوع: رد: اغرب معاكسة السبت 28 يونيو 2008, 10:03 pm

افضح نفسك دا انا مرضتش اقولهم مين يا نجم فاكر ههههههههههههه

موضوع: رد: اغرب معاكسة السبت 28 يونيو 2008, 10:14 pm

ههههههههههههههههههه انت لسه فاكر البنت دي ياله وانا كمان كنت قاعد منا اخوه ههههههههههههه

موضوع: رد: اغرب معاكسة السبت 28 يونيو 2008, 10:20 pm

[color:81ff="indigo"]

يعنى الاحبة كلهم اتجمعو

lol!

هههههههههههههههه شكرا على تعليقاتكم الجميلة

موضوع: رد: اغرب معاكسة السبت 28 يونيو 2008, 10:25 pm

مهو اخويا فضحنا والي كان كان

موضوع: رد: اغرب معاكسة السبت 28 يونيو 2008, 10:33 pm

ربنا مايجيب فضايح

حلو كتير انك تفتكر الذكريات الجميلة دى

موضوع: رد: اغرب معاكسة السبت 28 يونيو 2008, 11:51 pm

ناقص تقولولى ان اخوا صحبى يبقى اخويا انا؟

موضوع: رد: اغرب معاكسة السبت 28 يونيو 2008, 11:56 pm

ههههههههههههههههههههههههه حتى انت قلبنا ها الغز خلاص نقلبها فزوارة بقى يعنى اقدر اقول اللى هما الاعضاء المتواجدين فى منتدى وان تو وان وهما POP,ABUATTA,NEMO , THE GIRL

فين معاكستك بقى ؟؟؟؟؟؟؟؟؟؟؟؟؟؟؟؟؟؟؟؟

موضوع: رد: اغرب معاكسة الأحد 29 يونيو 2008, 12:02 am

قريبا بجميع الاسواق

موضوع: رد: اغرب معاكسة الأحد 29 يونيو 2008, 9:17 am

فاكر يا popo اخوك اندلق ازاى هاهاهاهاهاهاهاهاهاهاهاهاهاهاهاهى هى هى
طيب هحكيلك على اللى حصل معايا
مرة كنت فى البيت لوحدى وكنت مشغل الكمبيوتر تليفون البيت رن رديت عليه ويارتنى مارديت طلعت واحدة وماقلتش غير الوووووووووو وفضلت تشغل اغانى لمحمد فؤاد وعمرو دياب وانا فرحان وقالتلى انها تعرفنى وبتحبنى موووت قولتلها طيب عرفينى انتى مين يمكن اكون معجب بيكى وصوتها والله كان يدوخ فضلت على الحال دة اسبوعين وانا فرحااااااااااااااااااااااااااان
والله كانت بتتكلم معايا بالساعات فى الاخر وهى بتكلمنى سمعت امه قصدى امها بتنادى عليها وطلع واحد صاحبى انا عرفت كدة ودخلت فى غيبوبة لمدة اسبوعين بس انا كنت هموت الواد دة من الضرب

موضوع: رد: اغرب معاكسة الأحد 29 يونيو 2008, 5:05 pm

هم الشباب غاويين مقالب فى بعض ولا اية Very Happy

شكرا نيمو على الاضافة بتعتك حلو كتير

» اغرب صور التماسيح
» اغرب المساجد
» اغرب ما قيل عن المرأه
» اغرب صورة هتشفوها
» اغرب مسجد بتركيا