كيف تنسي حبك القديم

السلام عليكم ورحمة الله وبركاته

موضوع داخل اوى فى حياتنا اليومية وفى اعماقنا هو موضوع الحب القديم!!!!!!!!!!

فجاة بنلاقى نفسنا خارجين من قصة حب فاشلة وانا كتبت موضوع قبل كده عن المعنى ده لكن المشكلة دلوقتى مش ازاى نعيد بناء انفسنا لانى افردتلها موضوع قبل كده

لكن الجزء المهم هو ازاى ننسى الحب القديم ده؟؟ بغض النظر عن الخسائر او مين الغلطان

المهم ان احنا خدنا القرار ان احنا ننساه وانا اقصد النسيان التام يعنى مفيش مشاعر حب مفيش كره مفيش انتقام.......

شطب تام من حياتنا وكانه لم يكن خاصة لو احنا على وشك الارتباط بشخص اخر فلازم نشطب الحب القديم من حياتنا عشان نعرف نبتدى من جديد

طبعا كلامى موجه للبنات اكتر لان ماعتقدتش ان فى راجل محتاج وصفة انه ينسلى واحدة بنت ماعتقدتش ابدا انه بيتالم !!!!!!

والدليل لو مراته او حبيبته ماتت بيروح يتجوز قبل حتى الاربعين ما يجى عشان كده هو صحيح بيكون متضايق بس بيقدر انه يكمل حياته لان غرايزه اهم عنده من الحب
ده اذا افترضنا انه كان بيحب فى الاول!!!!!!!!!

بعد ما اخدنا القرار نعمل ايه؟؟؟

1- اولا نتيح لنفسنا الفرصة لكل مشاعرنا الغاضبة بس من غير تهور ونبعد عن فكرة الانتقام وممكن انى افضفض لواحدة صاحبتى واتكلم عن كل اللى انا حاسة بيه

2- المشكلة فى الحنين ان احنا هنموت ونرجعله طب نعمل ايه؟؟

1- نتخلص من كل اشياءه القديمة والهدايا طبعا الافضل انك ترجعيهاله وبكل بساطة روحى لبيته او المكان اللى هترجعيله الهدية فيه بس حطيهم فى صندوق زبالة ورنى الجرس وامشى

2- لو حاجات غالية زى دهب الافضل تبيعيه وتروحى تشترى لنفسك حاجة كنتى نفسك فيها اوى او تروحى رحلة بيها بجد هتحسى بشعور رائع جدا جدا

3- بجد بجد وصدقى كلامى الرجالة كلهم زى بعض يعنى مفيش راجل يستاهل ومتشغليش بالك انك مش هتقدرى تلاقى غيره لا لا هتلاقى وصدقينى هتلاقى كتيييير اوى اوى

4- لو انتى بتحنى للكلمتين اللى كان حافظهم وبيقولهم كل يوم بحبك مووت وبموت فيكى ومش هلاقى زيك ...........
سيبك لان كل الرجالة حفظنهم ولو مش مصدقة اسالى واحدة اتخطبت مرتين او واحدة كان ليها علاقات قبل كده هتقولك كلهم حافظين نفس الكلام وكل الرجالة بتعرف تقولوا فاكيد هتلاقى

5- دايما حطى فى بالك المثل ده :
لو كان فى خير ما كان رماه الطير طبعا اقصد القدر والنصيب لان ربنا دايما بيعملنا الخير والافضل لينا
فمتضايقيش نفسك وتشغلى بالك بيه

6- لو هتموتى وتكلميه اقولك على نصيحة
سجلى اسمه على الموبايل بس على رقم اعز واحدة من صحباتك بحيث لما تحنى وتكلميه تسمعى صوتها تهزاك شوية عشان حنيتى ليه

7- لو لسه بيجيلك حنين ليه
اعملى جدول وحطى فى خانة مميزاتك والخانة التانية عيوبه

مثلا هو بخيل وانتى كريمة انتى ذوق وهو قليل الذوق وعلطول اقريها وهتحسى انك احسن منه بكتير اوى

8- كل ما تحسى انك عايزة ترجعيله هاتى ورقة واكتبى فيها اسؤا مواقف جرحك فيها واقريها باستمرار وانتى هتنسيه وهتنسى اليوم اللى شفتيه فيه

وطبعا ابداى اهتمى بنفسك واخرجى واتفسحى واشغلى نفسك واهتمى بجمالك وممكن تروحى تعملى اى تغيير فى شكلك او شعرك وهتحسى بجمالك اكتر وانه فعلا ميستاهلكيش

حاولى فى الاول تبعدى عن المكان اللى عايش فيه لكن بعد فترة وبعدين اظهرى تانى ولا يهمك ادامه بعد ما اتكونى استعدتى نفسك

واعرفى ان كل حاجة فى الدنيا ممكن تتنسى لو عندنا ايمان بالله وارادة قوية

موضوع جميل اوووووووووووى بجد بس انا وانا بقرا العنوان كيف تنسى حبك القديم جة فى بالى مش عارفة لية اعلان بتاع زمان كيف تغيير حمامك القديم

طبعا انا بهزر بس هو موضوع حلو اوى بس افتكر ان الحب عموما شىء صعب يتنسى لو كان من القلب مش عارفة بس انا بحس بكدة ديما بس اكيد لو اتجرحنا فيه هيبقى زى اى حزن فعلا يبتدى كبيرا ثم يضيع مع مرور الوقت كما وضحت لنا اختنا الجميلة جزاكى الله خيرا

طبعا لا تعليق على الموضوع الاكثر من رائع اللى كله مدح وثناء على الشباب اللى واثقين من نفسهم ويقدروا يسيطروا على المواقف بمنتهى السهوله

انت وضحتى حاجات كتيرجميلة مكناش نعرفها احنا الشباب عن نفسنا
وتواصل مع موضوعك تمام زى ما حضرتك ذكرتى ان البنات لازم يشوفوا نفسهم شوية لازم يدردحوا شويه ههههههههههههههه حلو يدردحوا دية
يعنى لما جوزهم يموت يروحوا مجوزين على طول حتى قبل الاربعين ويدوسوا على قلبهم ويسبوهم من الحزن والقهرة والكلام الفاضى دا
واهم حاجة (أهم حاجة ) أنهم ما يحبوش حب ايه اللى انتى جاية تقول عليه دا كلام فاضى كله
عشان يقدروا فى ثانية (ثانية ايه ؟!) فى فيمتو ثانية ينسوا على طووووووووووووول
بجد بجد بجد انتى عاملة موضوع مالهوش حل

الموضوع ده اول مره اشوفه بجد
وم الاخر موضوع متميز
بس كلامك صح بس مش اوووي
انتي اقتصرتي النسيان على الرجاله بس ونسيتي ان الواحده تحب قد ما تحب وااول ما ييجي العريس الجاهز تقول اضمن وبعديها بسنه ولا اتنين تفاجئ ان الانسانه اللي كنت بتحبها وانقطعت اخبارها عنك ماشيه وف ايديها عيل وجنب جوزها وياولداه انتا لسا عايش على امل انك ترجعلها
للاسف غريزة الضعف الموجوده ف الستات بتساعدهم ع النسيان حتى لو كان ده ضد اراداتهم اما الرجاله القوه بتديهم امل والامل بيبعدهم عن النسيان وحتى لو اجبروا نفسهم على النسيان بتزيد المشكله اكتر واكتر

صدقيني اللي بيحب بجد ممكن يكره بس عمره ما هينسى

والله كلامك صح يا معلم يبقى هم اول نااااااس ينسوا ويقولوا احنا اللى بننسى

شوف الكلام يا راجل دا احنا غلااااااااااااااابة أوىىىىىىىىىىىىىىىى
يا عم الحاج

معلشي نسيت حاجه

ليا تعليق ع النقطه التانيه والتالته

2- لو حاجات غالية زى دهب الافضل تبيعيه وتروحى تشترى لنفسك حاجة كنتى نفسك فيها اوى او تروحى رحلة بيها بجد هتحسى بشعور رائع جدا جدا

3- بجد بجد وصدقى كلامى الرجالة كلهم زى بعض يعنى مفيش راجل يستاهل ومتشغليش بالك انك مش هتقدرى تلاقى غيره لا لا هتلاقى وصدقينى هتلاقى كتيييير اوى اوى

هل البنات بيحسوا بشعور رائع لما يبقوا انتهازيين؟
هل يا ترى اللي هتلاقيه بعده هيحبها زي ما الاولاني حبها؟

اذن السؤال المفروض هو ازاي تفتكر حبك القديم بالخير؟
ودي بسيطه
1-مصراحة النفس ان الفراق ده حكم وقدر من ربنا وترتيب لحكمه معينه قد تكون خير لكلا الطرفين
2-ان هذا الانسان على رغم جفاءه كان ليه ذكرى حلوه ف قلبنا
3-ولو اتقابلتوا ف يوم صدفه ليه متفتكروش بعض ولو بسؤال عن الصحه و الاولاد
4-ولوهتموتي وتكلميه كلميه وقوليله انك بتتمنيله الخير وان اهم حاجه نعيش سعدا حتى لو بعاد عن بعض

م الاخر انا بقول الكلام ده من ورا قلبي

اللي بيحب مره مش بيحب تاني
دي وجهة نظري

شكرا يا ساره ع الموضوع المتميز

انا عرفه ان الموضوع يا جماعة في اخطاء بس انا لما قريته عجبني فحبيت اسمع بس تعليقاتكم الجميلة
وبجد دي اجمل تعلايقات شفتها بتدل علي ان الحمد لله فيه ناس لسه بتحب وبتفكر
اما بقي تعليقي انا : فان الحب الصادق النابع من القلب الخالص الي الله لا ينسي ابدا ولو مر الزمن لانه بيكون اول شعور بالحب الصادق الي بيحس بيه الانسان والاحساس الاول عمره ما بيضيع حتي ولو حسينا بالف احساس تاني بعده
وشكر ليكم اوي

هو ساره غير sara ولا هما نفس العضو

طبعا سارة غير sara
الي الكل ميعرفوش ان انا ومني وندي وسارة اصدقاء
والي كتب الموضوع ده كنت انا بس كانت سارة قعدة معايا وبعد ما كتبت الموضوع اكتشفت اننا كنا دخلين المنتدي بأسم سارة صحبتي ونسينا نعمل log out
فكتبت الموضوع عادي خالص واسفه اني لخبط العملية خالص اصلي جديدة في المنتديات

لا يا ساره ولا يهمك بس ياريت تجيبوا اصحاب اكتر و اكتر

» النثر العربي القديم
» كيف تتخلص من الحب القديم